1. |
Draumaland - Tendra
03:47
|
|||
Dúnalogn skartar ljósaögn
og þögn í stíl.
Hljóðlaus nótt rennur mjúkt í hlað
klædd í örþunnt híalín.
Hennar draumkennda dýrð á landið knýr.
Nú heldur þjóð í ferðalag
til draumalands.
Bænir biðjum samhljóma
og slíðrum vængina.
Önnur mál fá að bíða morgundags.
|
||||
2. |
Glans - Tendra
03:41
|
|||
Leikur vindur um vanga,
ég kynni mann, óþekktan, til sögu.
Hans hús er hreint og bakið beint,
hann fer vel með orð,
leggur veglega á borð.
Straujaður fýr -
ókrumpaður glanspappír.
Nú leikur vindur um vanga
og hann tilbúinn, dulbúinn í daginn.
Taktfast þrammar um göturnar.
Líkt og glansandi satín hans nærvera leggst
yfir blómin og stráin sem hneigja sig flest.
Og brosið hans glitrandi blindar manns sjón.
Hans yfirborð mjúkt -
hans undirlag ljúft en hrjúft.
En þegar heim er komið
og sýningunni lokið er í bili,
hann finnur nauðsynlegt andrými
því á bak við hans glans liggur kjökrandi sál
sem flókið og hált finnst að ræða sín mál.
Hans master í feluleik kemur sér vel
ef á rósum skal stíga dans -
með glans.
|
||||
3. |
||||
Með krít í hönd, gef innsæi lausan taum
og krassa kort af földum fjársjóði.
Geymir hann í kistu lífsins laun,
svo nálæg en fjarlæg samtímis.
Það getur hver sem er komið með.
Tvö skref fram
svo eitt aftur á bak;
í rétta átt við höldum samt.
Njótum góðs af því sem áður fannst,
við höldum áfram en hrösum af og til.
Þolinmæði þrautir vinnur sumar, ekki allar, mundu það.
Á göngu lýstri ljósastaurum
Öldugötu á,
sá ég svart á hvítu hvaða leið ég stefndi á.
Ég kveð þá leið og hef nýtt lífsskeið.
Já, leitin verður ævintýraleg.
Já, leitin okkar beggja verður ævintýraleg,
það gengur miklu betur ef við bæði erum með.
Leitin okkar beggja verður ævintýraleg,
leitin okkar beggja verður ævintýraleg.
|
||||
4. |
Hendrix - Tendra
02:59
|
|||
Um leið og ég hugsa um þig þá brosi ég.
Gjafir færir mér óafvitandi.
Hausinn fer á flug og við eigum djúpa samræðu,
jafnvel þó að ég semji báðar hliðar hennar.
Ímynda mér um hvað við myndum spjalla,
um tónlist, nætur, óuppfyllta drauma.
Þú hefur ekki hitt mig en ég hef hitt þig,
þú lifir í heila mér
spilandi, rappandi, syngjandi.
Ég veit að það gætu orðið vonbrigði,
en ef ósk mína fæ, hitti ég þig við tækifæri.
Kynntist þér hvað fyrir nokkrum vikum,
braut heilann minn um líf þitt,
fékk hugljómun.
Mér fylgir gegnum daginn,
ef þú aðeins gætir hoppað úr heila mér,
við gætum búið til texta og tónlist.
Jafnvel þó að það gætu orðið vonbrigði,
þá óska ég mér að hitta þig við tækifæri.
|
||||
5. |
Húsið - Tendra
04:20
|
|||
Hvín á hvarmi glugga, hvíldarstólnum ruggar,
vindsveipur á vergangi, frostkaldur og þrár.
Ákaft feykti forðum fleiri þúsund orðum,
mállaust eftir stendur kvæðið tómt.
Ylur um veggi læðist, óvarin gleði fæðist,
flæða frjálst um herbergið fróðra manna ljóð.
Hver sem heima hefur eigið athvarf
getur eigin líðan sniðið, einn í kyrrð og ró.
Hlustaðu, hlustaðu, heyrirðu hvar hvinurinn breytti þögn í svar.
Óræð myndin málast alls staðar.
Dyrunum lokar, læsir og hvæsir, kveður í kafið óhræsið.
Kveðjuna kalda metur til valda:
„Hver mun gjalda?“
Neitar illum öflum, beinir frá sér höndum.
Sofnar fyrr en síðar hættuflóð.
Varlega reynir vernda, válegum burtu benda,
styrkir veggjastoðir, stendur fótum á.
Ylurinn nú umvefur, meðan úti skeður, válegt norðanveður
sem engan bítur á.
„Farðu nú, farðu nú, fjúktu þinn veg!
Saman við stöndum hér, húsið og ég!
Engin á innri sál að þjást,
og enginn ætti einn við þig að kljást.“
|
||||
6. |
Galdrakarlar - Tendra
03:29
|
|||
7. |
Tími liðinn hjá - Tendra
01:34
|
|||
Ég tel þig vera skemmda,
vil binda enda á það
með ást og kærleika.
Ég rifja upp gamlan tíma
sem er liðinn hjá
þar sem mér mistókst það.
Við reynum nú í þriðja sinn,
hver veit hvert það mun leiða?
En jafnvel ef mér mistekst aftur núna,
þá vil ég reyna aftur eftir það.
|
||||
8. |
Ábót á kaffið - Tendra
02:29
|
|||
Cheerios og kaffi
sloppurinn yljar mér
set plötu á fóninn
mína uppáhalds með Joni.
Er litið á gluggann
Skikkanlegt veðurfar
smá ábót á kaffið
og glugga svo í blaðið.
Mogginn flettist mjög vel í dag.
Sný upp á hárið
slæ svo á þráðinn
um fréttir ég spyr hann
og hvort hann vilji hittast.
En hvað ef jörðin snýr sér á hvolf?
Hvað þá?
Læt það nú þjóta
um eyrun og mála mig
geri mig fína
því ég á tilveruna mína.
|
||||
9. |
Spurt í hljóði - Tendra
03:45
|
|||
Ég sit hér ein
og hugsa til þín.
Ég spyr í hljóði:
Situr þú líka einn?
Þótt fái ekkert svar, ég svíf af stað
og sest þér hjá.
Nú plássið tómt
mér við hlið
fyllist nærveru;
hlýrri nærveru.
Finnur þú sömu hlýju hjá þér?
Alveg kyrr – lygni aftur augunum
og með aðstoð hugans leggst ég þér við hlið;
lófi í lófa.
Þótt samveran hverfi litlu síðar,
það nægir mér.
|
Tendra Reykjavík, Iceland
Tendra’s music is a combination of alternative pop and modern singer/songwriter music while the band members’ common passion for jazz allows the music to open up for improvisation and the unexpected. The melodies showcase experimental textures at times while the storytelling-style of the Icelandic lyrics range from a “casual conversation” writing style to being poetic, picturesque and expressive ... more
Streaming and Download help
If you like Tendra, you may also like:
Bandcamp Daily your guide to the world of Bandcamp